Viðtengingarháttur

„sú hætta er raunveruleg, góðir landsmenn, að íslenska þjóðarbúið myndi, ef allt færi á versta veg, sogast með bönkunum inn í brimrótið og afleiðingin yrði þjóðargjaldþrot."

„sú hætta er raunveruleg að íslenska þjóðarbúið sogist með bönkunum inn í brimrótið og afleiðingin verði þjóðargjaldþrot."

(„Vi står over for den mulighed, at den nationale økonomi suges ind i den globale bankkrises dyb, og at nationen kan ende med at gå bankerot,")

(breytt í: Vi stod over for den mulighed, at den nationale økonomi ville blive suget ind i den globale bankkrises dyb, og at nationen endte med at gå bankerot) 

 

Afhverju er "myndi sogast" eitthvað meiri viðtengingarháttur en "sogist"?

Munurinn hér er skilyrðissetningin "Ef allt færi á versta veg" sem vantar, ekki viðtengingarháttinn.

Mín slappa dönskukunnátta segir mér að suges sé þarna í viðtengingarhætti, leiðrétti mig þeir sem vita betur. Kan ende er svo sem ekkert síðra en endte. Merkingin er svipuðu. Þarna er ákveðin óvissa á ferð, eitthvað sem getur gerst eða gæti gerst.

 Menn ættu að kynna sér aðeins málfræði áður en þeir fara að gaspra svona. 

Leiðrétti fréttir danskra fjölmiðla af bankakreppu

Athugasemdir

[Eiríkur Sigurðsson (IP-tala skráð) 7.10.2008 kl. 15:45]

Eins og fram kemur í bloggi Hjartar er víst ekki um það að ræða að viðtengingarhátt vanti í dönsku þýðinguna, eins og missagt er á vefsíðu KOM. Í umfjöllun á vefsíðunni er því miður almennt röng merking lögð í hvað felst í viðtengingarhætti. Það breytir því hins vegar ekki að í upphaflegri þýðingu Ritzau á ummælum Geirs var enn sterkar til orða kveðið en hann í raun gerði. Það hefur Ritzau viðurkennt með því að senda út leiðréttingu. KOM er að sjálfsögðu skylt og rétt að benda á þessi mistök í málfræðilegri greiningu sinni og biðst velvirðingar á þeim. Leiðrétting er þegar komin upp á vefsíðu KOM.

[Hjörtur Einarsson, 7.10.2008 kl. 18:36]

Þá verður þetta eins rétt og unnt er :)